Balnearis

Era Val d’Aran aufrís ua experiéncia unica ath visitant arderós de suenhar eth còs e era ment. Immergir-se enes aigües sulfuroses coma ja heren es Romans, retrobar-se damb un madeish en plea natura, suenhar era salut o simplaments relaxar-se e desbrembar-se deth rambalh quotidian son allicients que captiven a quinsevolh viatgèr.

Istòria e salut s'amassen enes balnearis aranesi, quauqui uns dejà documentadi en tempsi der Empèri Roman. Es aigües captades a ua prigondor superiora a 300 m. ragen generosament a mès de 30°C entà aufrir es sues proprietats mineromedicinaus, beneficioses entath tractament des afeccions ossoses e dera pèth, entath sistèma circulatòri e es vies respiratòries. Es equipaments de prumèra qualitat desvolopadi ath torn des manantiaus n'an autrejat prestigi internacionau e quauqui uns d'eri, coma es Termes dera Baronia ena poblacion de Les o Es Banhs de Tredós ena ribèra d’Aiguamòg, laguens era periferia deth Parc Nacionau d’Aigüestòrtes e Estanh de Sant Maurici, que, plaçat a 1.740 m., ei eth balneari mès naut d'Euròpa.