Desestréssa-te

Entà deishar tà darrèr er estrés dera vida vidanta: en aguest entorn, plen de sensacions infinides, tot eth mon pòt trobar era sua dimension. Ues vacances actives immergides en extraordinari encant dera Val d'Aran, ei çò que s'a de besonh entà recuperar-se dera tension des ritmes diaris dera ciutat e gaudir d'ues indesbrembables vacances enes montanhes!

Començar eth dia damb ua baishada de ràfting per arriu Garona, ua rota ecuestre d'ua o dues ores o enquia ua trauèssa, relaxar-se damb era practica deth pitch and putt o apréner aguest espòrt dera man de professionaus, pescar o instruir-se en tir damb arc son sonque quauques des opcions entà qui cerque des d'ua activitat fisica doça, o entà qui a de besonh soltar adrenalina. Tot en un marc incomparable qu'ei era natura dera Val d’Aran.

E quan era meteorología non acompanhe, o se simplaments non te vague èster en exterior, eth Palai de Gèu de Vielha aufrís era sua pista de patinatge, era sua piscina semiolímpica e diuèrsi equipaments esportius indoor.